تبلیغات
artasavalan-آرتاساوالان -ائل سئون - شاجین (shajin) - "سو" دئییب دیر منه اولده آنام، آب کی یوخ

(Ardebil) آنـــــــــــــــــــــــــــــــــــــــــــا یوردوم اردبیل

درباره وبلاگ

آرشیو

آخرین پستها

پیوندها

طبقه بندی

نویسندگان

آمار وبلاگ



Admin Logo
themebox Logo


نویسنده :Şacin
تاریخ:سه شنبه 29 تیر 1395-08:17 ق.ظ

"سو" دئییب دیر منه اولده آنام، آب کی یوخ

   "سو" دئییب دیر منه اولده آنام، آب کی یوخ

                       "یوخو" اؤیرتدی اوشاقلیقدا منه، خواب کی یوخ


ایلک دفعه کی "چؤرک" وئردی منه، نان دئمه دی

                                     ازلیندن منه "دوزدانه"، نمکدان  دئمه دی

آنام، اختر دئمه ییب دیر منه، "اولدوز " دئییب او

                                     سو دوناندا، دئمه ییب یخ دی بالا، "بوز" دئییب او

"قار" دئییب، برف دئمه ییب، دست دئمه ییب، "ال" دئییب او

                                    منه هئچ واخت بیا سؤیله مه ییب، "گل" دئییب او

یاخشی خاطیرلاییرام، یاز گونو آخشام چاغی لار

                                     باغچانین گون باتانیندا کی، ایلیق گون یاییلار

گل دئیه ردی، داراییم باشینی، ای نازلی بالام!

                                     گلمه سن گر، باجینین آستاجا زولفون دارارام

او دئمه زدی کی، بیا شانه زنم بر سر تو

                                    گر نیایی بزنم شانه، سر خواهر تو

بلی، داش یاغسادا گؤیدن، سن او سان من ده بویام

                                  وار سنین باشقا آنان، واردی منیم باشقا آنام

اؤزومه مخصوص اولان باشقا ائلیم واردی منیم

                                 ائلیمه مخصوص اولان باشقا دیلیم واردی منیم

ایسته سن قارداش اولاق، بیر یاشایاق، بیرلیک ائدک

                                  وئریبن قول-قولا، بوندان سورا بیر یولدا گئدک

اولا، اوزگه کولک لرله گرک آخمایاسان

                                  ثانیا، وارلیغیما، خالقیما خور باخمایاسان

یوخسا گر زور دئیه سن ملتیمی خوار ائده سن

                                   گون گلر، صفحه چونر، مجبور اولارسان گئده سن

شعر:پروفسوردوکتور محمد تقی زهتابی

یاشاسین آذربایجان




داغ کن - کلوب دات کام
نظرات() 


 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر